Dat si mir, den Daniel an de Stephan.
No laanger Frëndschaft, flotte Soiréeën, gudden a mi schlechten Zäiten, hu mir 2022 zesummen Ortea an d’Liewe geruff. Mam Zil natierlechen a qualitativen Iced Tea an d’Frigoen ze bréngen, schaffe mir mat Fläiss un neie Rezepter a Formater eisen Iced Tea méi accessibel ze maachen. Ortea baséiert op der Léift zu Iced Tea an dem Wonsch vun der Selbstännegkeet. Vum Rezept iwwer den Design, der Sich no de richtege Fournisseuren an der Produktioun bis hin zum fäerdege Produit an de Regaler war et ee laange Wee. Entretemps ass Ortea net nëmmen eise Beruff mee och eis Passioun. Klengt kitscheg, ass awer sou :)
Stephan
Roll bei Ortea: Matgrënner, kreative Kapp a Produit
Firwat Ortea: Passioun fir Iessen a Gedrénks + Dram vun der Selbstännegkeet = Ortea
Mäin Dramberuff als Kand: Bauer
Eppes wat ech gäre kéint: Beim Sange méi Téin treffen
Stäerkt: Léift zum Detail
Schwächt: Léift zum Detail
Liblingsiessen: Alles, soulaang et schmaacht a genuch um Teller ass
Dat mécht mäin Dag besser: Wann ech ee Lagerfeier kann umaachen
Sou genéissen ech Ortea am léifsten: Nodeems ech länger keng gedronk hunn a rëm op een neit realiséiere wéi lecker deen eegene Produit ass
Daniel
Roll bei Ortea: Matgrënner, Geschäftssënn a Vente
Firwat Ortea: E Start an d’Selbststännegkeet zesumme mat engem vu menge beschte Kolleegen? Say no more
Mäin Dramberuff als Kand: Fotograf
Eppes wat ech gäre kéint: D’Zäit nofirspullen vun November bis März…
Stäerkt: Iessen
Schwächt: Kachen
Liblingsiessen: Menger Boma hier Lasagne
Dat mécht mäin Dag besser: Wann den Depositaire nobestellt
Sou genéissen ech Ortea am léifsten: Mam Sonnebrëll op der Nues op enger sonneger Terrasse
